Մոուրինյո - Ինձ Սիրում են Ռեալում

Ռեալ Մադրիդի գլխավոր մարզիչ Ժոզե Մոուրինյոն չի կասկածում, որ Արքայական ակումբում իրեն հարգում են և գնահատում իր կատարած աշխատանքը:

- Ինձ սիրում են այն մարդիկ, ովքեր մեծ նշանակություն ունեն իմ համար: Առաջին հերթին, իմ ընտանքիքը, այնուհետև` գործընկերներս, ակումբը, թիմը: 

Ինչ վերաբերվում է Չեմպիոնների լիգային, ապա պետք է ասեմ, որ ես այդ մրցաշարին վերաբերվում եմ այնպես, ինչպես ազգային առաջնությանը. այն ևս շատ կարևոր է մեզ համար, - հայտարարել է Մոուրինյոն:

Ժոզե Մոուրինյո – Մենք խոսում ենք չորս չեմպիոնից կազմված խմբի մասին

Մադրիդի Ռեալի գլխավոր մարզիչ Ժոզե Մոուրինյոն Չեմպիոնների լիգայի մեկնարկից առաջ հարցազրույց է տվել ՈՒԵՖԱ-ի պաշտոնական կայքին. «Իր բնույթով Ռեալ Մադրիդը Չեմպիոնների լիգայի ակումբ է: Այդ մասին է խոսում պատմությունն ու վիճակագրությունը: Ոչ մի այլ ակումբ 9 անգամ չի դարձել Չեմպիոնների գավաթակիր: Ես կարծում եմ՝ չկա որևէ ուղղակի ճանապարհ այսպիսի հաջողության հասնելու համար: Դրան կարելի է հասնել միայն լավ աշխատելով, լավ խաղալով, լավ մտածելով, ամեն ինչ լավ պլանավորելով, յուրաքանչյուր խաղում հաղթելու մոտիվացիա և ցանկություն ունենալով: Սակայն այս ամենն էլ հաշվի առնելով, ֆուտբոլն անկանխատեսելի է: Շատ մարզաձևերում միշտ չէ, որ լավագույն ակումբն է հաղթում»,- ասում է Մոուրինյոն:

Արքայական ակումբի մարզիչը նշել է, որ, իհարկե, իրեն տխրեցրել են նախորդ երկու խաղարկությունների կիսաեզրափակիչներում պայքարից դուրս մնալը, սակայն ընդգծել է, որ կարողացել է հաջողությունների հասնել մադրիդյան ակումբի հետ՝ Իսպանիայում «Բարսելոնայի» գերակայությունն ընդհատելուց բացի առաջընթաց գրանցելով նաև եվրոպական ասպարեզում. «Երբ ես եկա Ռեալ Մադրիդ, ակումբը վիճակահանության ժամանակ առաջին զամբյուղում չէր և դա շատ բանի մասին է խոսում: Եթե չեմ սխալվում 10-րդն էր դասակարգման աղյուսակում: Նախորդ մրցաշրջանում մեր անցած ճանապարհի արդյունքում հայտնվեցինք առաջին զամբյուղի թիմերի թվում: Երկու տարի անընդմեջ հասնելով մինչև կիսաեզրափակիչ՝ մենք հաստատեցինք մեր տեղը առաջին զամբյուղների թիմերի մեջ և ցանկանում ենք ամրագրել: Ամեն ինչ կանեք այս խաղարկությունում մինչև եզրափակիչ հասնելու և Ռեալ Մադրիդի համար 10-րդ Չեմպիոնների գավաթը նվաճելու համար»,- ընդգծում է Ռեալի մարզիչը:

Չնայած նախորդ մրցաշրջանի տպավորիչ արդյունքներին, նոր մրցաշրջանից առաջ էլ Ռեալը ձեռքբերումներ ունեցավ. «Մադրիդի Ռեալում մենք որոշեցինք աշխատել համեմատաբար փոքր կազմի հետ, այդ պատճառով կարևոր էր թիմում ունենալ շատ բազմաֆունկցիոնալ խաղացողներ: Նրանք կարող են խաղալ տարբեր դիրքերում և թիմին բերել հավասարակշռություն և կայունություն, որի կարիքը զգում ենք: Մոդրիչը բավարարում է այդ պահանջներին, քանի որ կարող է խաղալ և՛ որպես 6 համար, և՛ որպես 8 համար, և՛ որպես 10 համար: Նա օժտված է մեծ ֆուտբոլիստներին բնորոշ կախարդանքով. նա ունի ինչպես անհատական, այնպես էլ տակտիկական մեծ տաղանդ: Մյուս ֆուտբոլիստը Էսիենն է, որին շատ լավ եմ ճանաչում: Նրա հետ աշխատել եմ մոտ երեք մրցաշրջան, և նրա փորձը կարող է մեզ բերել այն հավասարակշռությունը, որը պետք է ինչպես պաշտպանողական ոճի կիսապաշտպանի դիրքում, այնպես էլ պաշտպանությունում, որտեղ նա նույնպես կարող է հիանալի խաղալ»,- նշել է պորտուգալացի մասնագետը:

Մոուրինյոն նաև իր կարծիքն է հայտնել Չեմպիոնների լիգայի այն խմբի մասին, որտեղ Մանչեսթեր Սիթիի, Դորտմունդի «Բուրուսիայի» և Ամստերդամի Այաքսի հետ միասին հայտնվել է Ռեալը. «Մենք խոսում ենք չորս չեմպիոնից կազմված խմբի մասին: Չորս կարևոր առաջնությունների չորս հաղթողներ՝ հատկապես Գերմանիան, Իսպանիան և Անգլիան: Սակայն Այաքսն էլ մեծ պատմություն ունեցող ակումբ է, այնպես որ գլխավոր նպատակը ոչ թե բոլոր վեց խաղերում հաղթելն է, այլ խմբային փուլի արգելքը հաղթահարելը, որից հետո կփորձենք զարգացնել հաջողությունը: Ակնհայտ է, որ այս խմբում թիմերը շատ միավորներ կբաժանեն միմյանց միջև»,- եզրափակել է Մոուրինյոն:

Աղբյուրը` http://realmadrid.am/site/index.php?page=articlesshow&id=7190&pg=1

Ժոզե Մոուրինյո - Ռեալը պետք է ավելիին ձգտի

Ռեալ Մադրիդի գլխավոր մարզիչ Ժոզե Մոուրինյոն հերթական անգամ ընդգծել է, որ իր թիմը այս մրցաշրջանում ամենաբարձր տեղերի համար է պայքարելու: Պորտուգալացի մասնագետը հայտարարել է, որ Ռեալը իր առջև նպատակ է դրել հաղթել բոլոր առաջնությունները, որտեղ մասնակցում է:

- Մենք ձգտում ենք ավելի շատ հաղթանակներ տանել և ավելի լավ ֆուտբոլ ցուցադրել: Մենք համոզված ենք, որ կկարողանանք հասնել մեր նպատակներին: Իմ թիմում ես չեմ ճանաչում այնպիսի ֆուտբոլիստի, ով չի ձգտում այս ամենին, - հայտարարել է Մոուրինյոն: